بە پێی ڕاپۆرتی جام کوردی، توێژینەوەیەکی زۆر هەیە کە دەریدەخەن زەیتی ماسی سوودی زۆری بۆ جەستە هەیە. ئۆمێگا 3 بەشێکە لە سوودەکانی ماسی. لەبیرت بێت خواردنی ماسی جگە لە ئۆمێگا 3 ڤیتامین و کانزاکانی دیکە بۆ جەستە دابین دەکات، بۆیە پسپۆرانی خۆراک جەخت لەوە دەکەنەوە کە دەبێت هەفتەی دووجار ماسی بخۆن.

هەندێک لە سوودە تەندرووستییەکانی ئەو خۆراکانەی کە زەیتی ماسی تێدایە بریتین لە:

1- کەمکردنەوەی خەمۆکی:

زەیتی ماسی نەک تەنیا خەمۆکی کەم دەکاتەوە بەڵکو یارمەتی ڕێکخستن و باشترکردنی باری دەروونی و بەرزکردنەوەی ورە دەدات.

2- باشترکردنی یادەوەری:

خواردنی ئۆمێگا 3 دەبێتە هۆی باشترکردنی یادەوەری لە گەنجان و بەساڵاچواندا و هەروەها یارمەتیدەرە بۆ بەهێزکردنی توانای بیرکردنەوە و بەهێزکردنی تەرکیز.

3- پاراستنی تەندرووستی دڵ:

زەیتی ماسی نەک تەنیا یارمەتیدەر دەبێت بۆ کەمکردنەوەی ئاستی تری گلیسیرید و کۆلیسترۆل لە خوێن، بەڵکو ڕۆڵێکی گرنگی هەیە لە ڕێگریکردن لە ڕەقبوونی خوێنبەرەکان.

4- پاراستن لە ئەلزەهایمەر:

چەندین توێژینەوەی پزیشکی دەریخستووە کە خواردنی ڕۆنی ماسی یارمەتیدەرە بۆ کەمکردنەوەی مەترسی تووشبوون بە نەخۆشی ئەلزەهایمەر.

5- کەمکردنەوەی هەوکردن:

زەیتی ماسی ڕۆڵێکی کاریگەری هەیە لە کەمکردنەوەی هەوکردن لە شانەکاندا. ئەم تەواوکەرە بۆ باشترکردنی تێکچوونی گەدە و ڕیخۆڵە بەسوودە./.