بە پێی ڕاپۆرتی
جام کوردی، دکتۆر مریەم دارابی شارەزا لە بواری تەندرووستی ئاماژەی بە بەرزی بڵاوبوونەوەی
شەکرەی جۆری 1 لە منداڵاندا کرد و ڕایگەیاند: ئەم نەخۆشییە بەزۆری لە دوو تەمەنی مەترسیداردا
دەردەکەوێت، 6 و 7 ساڵ و هەروەها لە تەمەنی باڵغبوون.
ناوبراو جەختی لەوە کردەوە :هەندێک لە گرنگترین نیشانەکانی ئەم نەخۆشییە بریتین لە تینوویەتی
زۆر، میزکردنی زۆر، دابەزینی کێشی بێ هۆکار و میزکردن لە شەودا. لە قۆناغە پێشکەوتووەکاندا
لەوانەیە منداڵان تووشی ڕشانەوە، دڵ شێواندن، ئازاری گەدە و نائارامی بن کە پێویستیان
بە بۆ پشوودان لە نەخۆشخانە هەیە.
بەداخەوە لە هەر چوار منداڵێکی تووشبوو، یەک
منداڵ نیشانەی پێشکەوتووی ئەم نەخۆشییە هەیە.
دارابی لە
درێژەدا ڕایگەیاند: گۆڕانکاری لە شێوازی ژیان، زیادبوونی خواردنی خێرا و کەمی
چالاکی جەستەیی بەتایبەتی زۆر بەکارهێنانی مۆبایل لەلایەن منداڵانەوە بووەتە هۆی
زیادبوونی قەڵەوی و لە ئەنجامدا بڵاوبوونەوەی شەکرە لە منداڵاندا.
شەکرەی جۆری 1 تەنیا بە ئەنسۆلین چارەسەر دەکرێت، بەڵام شەکرەی
جۆری 2 دەتوانرێت بە گۆڕانکاری خۆراکی، چالاکی جەستەیی زیاد و بەکارهێنانی دەرمانی
گونجاو چارەسەر بکرێت./.