بە پێی ڕاپۆرتی جام کوردی، ڕۆژنامەی ئیسرائیل هیۆم ڕۆژی دووشەممە ئاشکرای کرد کە لە شەڕی 12 ڕۆژەدا، هێرشی مووشەکی لە لایەن ئێرانەوە بۆ سەر ڕژێمی زایۆنیستی ئەنجامدراوە کە زیانێکی بەرچاوی بە ژێرخانی وزەی ئەو ڕژێمە گەیاندووە.
بە گوێرەی ڕاپۆرتە سەرەتاییەکان، ئەم هێرشانە زیانی گەورەیان بە دامەزراوەکانی وزە و بۆرییەکانی گەیاندووە. هێشتا وردەکاریی زیاتر سەبارەت بە زیانەکان بڵاونەکراوەتەوە، بەڵام گرنگی ئەم بابەتە لە نێو زایۆنیستەکاندا ئاماژەی پێکراوە.
ئیسرائیل هیۆم ئاماژەی بەوەشکردووە کە لە دوای هێرشەکە، بەرپرسانی سەربازیی ڕژێمی زایۆنیستی، بە خێرایی هەنگاویان ناوە و هەوڵیانداوە کاریگەری و دەرئەنجامەکانی هێرشەکان کەمبکەنەوە.
ڕۆژنامەکە جەختی لەوە کردووەتەوە کە بەرپرسانی سەربازیی ڕژێمی زایۆنیستی لە سەرەتادا هەوڵیانداوە زانیاری لە سەر شوێنی وردی هێرشەکان بە نهێنی بهێڵنەوە بۆ ئەوەی نەتوانن یارمەتی هێزەکانی ئێران بدەن بۆ دەستنیشانکردنی ئامانجەکانی دواتر.
بەڵام دوای ئەوەی وێنەکانی شوێنی هێرشە مووشەکییەکان لە کەناڵی جزیرە بڵاوکرانەوە، بەرپرسانی سەربازیی ڕژێمی زایۆنیستی دانیان بەوەدا نا کە زانیارییەکان سەبارەت بە شوێنی هێرشەکان ئاشکرا بووە و چیتر ناتوانرێت بە نهێنی بهێڵدرێتەوە.
هێرشە مووشەکییەکانی ئێران بۆ سەر ژێرخانی وزەی ڕژێمی زایۆنیستی لە کاتی شەڕی 12 ڕۆژەی ئەم دواییەدا زیانێکی زۆری بە پاڵاوگەی حەیفا گەیاند.
پاڵاوگەی حەیفا یەکێکە لە گەورەترین دامەزراوەکانی پاڵاوتنی نەوت لە ناوچە داگیرکراوەکانی فەڵەستین کە کۆمپانیای بازان خاوەندارێتی دەکات و توانای ڕۆژانەی نزیکەی 9 بۆ 12 هەزار بەرمیل نەوتی هەیە و بەشێکی زۆری پێداویستییەکانی سووتەمەنی ئەو ڕژێمە دابین دەکات.
بە هۆی شوێنی ستراتیژی و ڕۆڵی گرنگی پاڵاوگەکە بە یەکێک لە گرنگترین خاڵەکانی ژێرخانی وزەی ڕژێمی زایۆنیستی دادەنرێت و شکستەکەی بووەتە هۆی پچڕانی بەرفراوان لە دابینکردنی سووتەمەنی و وزە بۆ کەرتە ئابوری و پیشەسازییە جیاوازەکان.
کاربەدەستانی زایۆنیست ڕایانگەیاندووە کە چاکسازی تەواو لە پاڵاوگەی حەیفا تا مانگی ئەیلولی 2025 دەخایەنێت و لێکەوتەی ئابوری بەرچاوی لێدەکەوێتەوە. پچڕانەکە بووەتە هۆی بەرزبوونەوەی تێچووی وزە و کەمبوونەوەی دابینکردنی سووتەمەنی و کێشە بۆ گواستنەوە و پیشەسازی. هەروەها زیانەکانی ئەم ژێرخانە گرینگە نیگەرانی قووڵی ئەمنی و ئابوری لە ڕژێمی زایۆنیستیدا دروستکردووە./.