بە پێی ڕاپۆرتی جام کوردی، هەڵبژاردەیەکی وەک پورتوگال دوای بردنەوەی خولی نەتەوەکان پیشانیدا کە دەچێتە مۆندیالی ئەمریکا بە ئامادەیی تەواوەوە. کریستیانۆ نەک تەنیا هەموو ژمارەی پێوانەیەکی شکاندووە، بەڵکو ساڵ لەدوای ساڵ و یاری دوای یاری، پیشانی دەدات کە هێزی بردنەوەکەی سنوور ناناسێت.

دوو گۆڵەکەی لە قۆناغی کۆتایی خولی نەتەوەکان بەڵگەی ئەم بانگەشەیەن: یەکێکیان بەرامبەر ئەڵمانیا و ئەوی دیکەیان بەرامبەر ئیسپانیا.

هەڵبژاردەی پورتوگال بە ڕاهێنەرایەتی ڕۆبێرتۆ مارتینێز سەردەمێکی ناوازە بەخۆوە دەبینێت. ئەم ڕاهێنەرە لە ماوەیەکی کورتدا، تیپێکی نایابی درووستکرد. پورتوگال سوود لە یەکێک لە بەهرەمەندترین یاریزانەکانی مێژووی خۆی وەردەگرێت.

یاریزانانی وەک برۆنۆ فێرناندێز، بێرناردۆ سیلڤا، ڕۆبن دیاس، ڤیتینها، نونو مێندێز، جواو مێندێز، گۆنکالۆ ڕامۆس و بێگومان کریستیانۆ تیپێکی ترسناکیان پێکهێناوە. لەنێو ئەو هەموو بەهرەیەدا، ئەو هێشتا دیارە. ئەویش کریستیانۆ ڕۆناڵدۆیە کە لە تەمەنی 40 ساڵیدا لەجیاتی ئەوەی بیر لە خانەنشینی بکاتەوە، بەردەوامە لە ئامادەکردنی خۆی بە هەمان هێزی گەورە وەک هەمیشە. پابەندبوونی جەستەیی و دەروونی بێ وێنەیە.

بەم تایبەتمەندییانە، پورتوگال هۆکاری تەواوی هەیە بۆ ڕکابەریکردن لەگەڵ هەر تیپیکی گەورە. ئێمە ئەمەمان لە یاری کۆتایی خولی نەتەوەکان بەرامبەر ئیسپانیا بینی. ئێستا دەبێت بزانین لە مۆندیالی داهاتوودا چۆن دەبێت./.