بە پێی ڕاپۆرتی جام کوردی، تووڕەیی و دڵەڕاوکێ بەردەوام بە شێوازی جۆراوجۆر کاریگەری لەسەر کۆئەندامی هەرس هەیە. دڵەڕاوکێ و توڕەیی دەتوانن سیستەمی دەماری بە شێوەیەکی زیانبەخش چالاک بکەن و هاوسەنگی دەردانی ترشی گەدە، ئەنزیمەکانی هەرس و جوڵەی ماسولکەکانی کۆئەندامی هەرس تێک بدەن.

دڵەڕاوکێ درێژخایەن دەبێتە هۆی بەرزبوونەوەی ئاستی هۆرمۆنی دڵەڕاوکێ (وەک کۆرتیزۆل) و دەبێتە هۆی هەوکردن لە جەستەدا. هەوکردنی درێژخایەن لە شانەکاندا یەکێکە لە هۆکارە ناسراوەکانی زیانگەیاندن بە خانەکان کە مەترسی تووشبوون بە جۆرەها شێرپەنجە زیاد دەکات، لەوانە شێرپەنجەی کۆئەندامی هەرس.

دڵەڕاوکێ درێژخایەن دەتوانێت توانای سیستەمی بەرگری لاواز بکات. سیستەمی بەرگری لاواز لەوانەیە بە شێوەیەکی کاریگەر خانە نائاساییەکان دیاری نەکات و لەناوی نەبات، ئەمەش یەکێکە لەو هۆکارانەی کە ئاماژەی پێکراوە بۆ زیادبوونی مەترسی تووشبوون بە شێرپەنجە.

سەرەڕای ئەوەش، ئەو کەسانەی تووشی دڵەڕاوکێ درێژخایەن دەبن پەنا دەبن بە هەڵسوکەوتی ناتەندرووست وەک جگەرەکێشان، خواردنی کحول، خواردنی زۆر، خۆراکی خراپ و شێوازی ژیانێکی بێ جوڵە، کە ئەمانە هەموویان هۆکاری گرنگن بۆ شێرپەنجەی گەدە و ڕیخۆڵە./.