مەریوان کەریم سەعید، لێپرسراوی پەیوەندییەکانی دەروازەی باشماخ ئاماژەی بەوەکرد، جگە لەکەمکردنەوەی نرخی گەشتەکە، هەروەها ئەو مەرجە لابراوە کە یەک گەشت بکەن لە مانگێکدا و هاوڵاتیان ئازادن لەوەی لە مانگێکدا چەند جار گەشت دەکەن.
ئەوەشیخستەڕوو، رسوماتی هاتنەژورەوەی ئەو هاوڵاتیانەی لە ئێرانەوە دێنە هەرێم 40 هەزار دینارە، ئەوانیش ئازادن لە مانگێکدا چەندجار گەشت دەکەن.