بە پێی ڕاپۆرتی جام کوردی، عەلی حەمەساڵح بڕیاردەری ڕەوتی هەڵوێستی نیشتمانی ڕایگەیاندووە کە حکومەتی هەرێمی کوردستان هەوڵ دەدات مووچەی فەرمانبەران تا لە سەدا ٣٠ بە لێبڕینەوە دابەش بکات و لە ئەگەری بوونی داهاتی ناوخۆش، مووچە بە کەموکورتییەوە دابەش دەکرێت و لێبڕینەکە بەرچاو دەبێت.

ناوبراو ڕایگەیاند کە حکومەتی هەرێمی کوردستان دەیەوێت بە داهاتی ناوخۆ و لێبڕینەوە مووچە دابین بکات، لە ئەگەری جێبەجێکردنی ئەم پلانەش، ڕەنگە دابەشکردنی مووچە دوو مانگی بوێت.

ڕاشیگەیاند کە لێبڕینی مووچە ڕەتدەکرێتەوە و حکومەتی هەرێمی کوردستان دەتوانێت نەوتەکەی ڕادەست بکات و تەوتین بکات و لە سەدا ٥٠ ی داهاتی ناوخۆش ڕادەست بکات و بەمەش پشکی بودجەی هەرێم وەربگرێت./.