بە پێی ڕاپۆرتی جام کوردی، مەیسەم سافی وتەبێژی وەزارەتی گواستنەوەی عێراق ڕایگەیاندووە کە حکومەت لە بواری ئاسمانیدا پرۆژەی گرنگ و گەشەپێدەری داڕشتووە.
ناوبراو ڕایگەیاندووە کە چەندین پرۆژەی گرنگی وەک کردنەوەی فڕۆکەخانەکان یارمەتیدەری گەشە و پێشکەوتنی کەرتی ئاسمانی لە عێراقدا دەدەن.
سافی ڕایگەیاندووە کە لەمساڵدا سێ فڕۆکەخانەی موسڵ، کەربەلا و ناسریە بە فەرمی دەکرێنەوە.
ڕاشیگەیاندووە کە بۆ نۆژەنکردنەوەی فڕۆکەخانەی نێودەوڵەتی بەغداش 26 پرۆژە خراونەتە بواری جێبەجێکردنەوە کە پێشکەوتنی بەرچاویان لە ژێرخانەکاندا بە دواوە دەبێت./.