بە پێی ڕاپۆرتی جام کوردی، سیامەک ئازادی بە ئاماژە بە توانای هەناردەکردنی کۆمپانیاکانی زانست ـ بنەمای پارێزگاکە، وتی: بەرهەمی کۆمپانیاکانی تەکنۆلۆژی و زانست ــ بنەمای کرماشان لە ئێستادا هەناردەی 11 وڵات دەکرێن و بەشێک لەو کۆمپانیایانەش بە تۆمارکردنی نووسینگەی نوێنەرایەتی لە عێراق، ئامادەبوونی بەردەوامیان لە بازاڕی وڵاتدا هەیە.
ناوبراو خستنەگەڕی ناوەندی پەرەپێدانی هەناردەکردنی بەرهەمە زانست ــ بنەماکانی وڵاتی بۆ عێراق لە کرماشان ڕاگەیاند و دەشڵێت: ئەم سەنتەرە بە پاڵپشتی بریکاری زانستی ، تەکنەلۆجیا و ئابووریی زانست ــبنەما و سەرۆککۆمار و وەزارەتی زانستی دادەمەزرێت و ئەرکەکەی ڕێکخستنی هەناردەکردنی بەرهەمە زانست ــبنەماییەکان دەبێت لە سەرتاسەری وڵاتەوە بۆ بازاڕی عێراق.
بەرپرسی جیهادی زانستگاهی کرماشان بە ئاماژەدان بەوەی کە زیاتر لە 300 یەکەی تەکنۆلۆژیا بە پشتیوانی پارکی زانست و تەکنۆلۆژیای پارێزگا کاردەکەن، وتی: کۆی گشتی فرۆشی ناوخۆیی بەرهەمی ئەم کۆمپانیایانە لە ساڵی ڕابردوودا گەیشتە زیاتر لە چوار هێمەت.
ئازادی هەروەها ڕایگەیاند: 37 بەرهەمی بەرهەمهێنراوی کۆمپانیاکانی زانست ــ بنەمای پارێزگاکە، یان هاوتای ناوخۆیییان نییە یان بەم ئاستە کوالیتییە لە وڵاتدا بەرهەم ناهێنرێن و بەشێکی بەرچاویان لە بوارەکانی ئابووری دیجیتاڵی و پیشەسازیی کیمیایی و ئامێری کشتوکاڵیدا بەرهەم هێنراون.