جام کوردی ـــ سەرپەرشتیاری گومرگی پارێزگا و بەڕێوەبەری گشتی گومرگی کرماشان، بە ئاماژەدان بە توانای بەرزی سنوورەکانی پارێزگاکە لە پەرەپێدانی بازرگانی لەگەڵ عێراقدا، وتی: نەبوونی ژێرخانی فیزیکی، نەبوونی ساردخانە، نەبوونی هێزی پسپۆڕ و ناهەماهەنگیی نێوان دەزگا دامازراوەکان لەسەر سنوور لە گرنگترین ئاستەنگەکانی خێراکردنی ئاڵوگۆڕ بازرگانی و ئیزندانی کاڵاکانن لە کرماشاندا.
ڕەزا نیکڕەوش ڕایگەیاند کە سیستەمی پەنجەرەی یەکانەی بازرگانی سنوور بەزێن لە هەموو سنوورەکانی پارێزگاکە بە تەواوی جێبەجێ کراوە و ڕایگەیاند: میکانیزەکردنی پڕۆسەی گومرگی بە تەنیا بەس نییە بۆ ئەوەی بازرگانی ڕێک و پێک بێت، پەرەپێدانی ژێرخانی ئابووری و بەهێزکردنی هەماهەنگی نێوان دەزگا سنوورییەکان زۆر پێویستە.
ناوبراو زیادی کرد: سنوورەکانی کرماشان جگە لە هەناردەکردنی کەلوپەلی نانەوتی، ڕۆڵێکی گرنگ دەگێڕن لە دابینکردنی کەلوپەلی سەرەتایی بۆ وڵات و ساڵی ڕابردووش جۆرەها تۆوی ڕۆنی، برنج، کەرەستەی پزیشکی، ڕۆنی خۆراکی، دانەوێڵە و لاستیکی قورس لە ڕێگەی ئەو سنوورانەوە هاتنە ناو وڵاتەکەوە.
بەڕێوەبەری گشتی گومرگی کرماشان بە ئاماژە بە نەبوونی ئیمکاناتی هەڵگرتنی کاڵای هەستیار، وتی: سەرەڕای چالاکی کۆگا داپۆشراوەکان لە سنوورەکانی خوسرەوی، پەروێزخان، شۆشمی و شێخ سڵە، تا ئێستاش هیچ کۆگایەکی ساردخانەیی لە گومرگی پارێزگاکەدا بوونی نییە، کە ئەم بابەتە بە یەکێک لە پێداویستییە گرنگەکانی بازرگانی سنووری دادەنرێت.
نیکڕەوش هەروەها جەختی لەسەر پێویستی جێبەجێکردنی بەڕێوەبردنی یەکانەی سنووری کردەوە و وتی: زیادکردنی هەماهەنگی نێوان گومرگ، ستاندارد، کەرەنتینە و جیهادی کشتوکاڵ دەتوانێت کاتی ئیزندانی کاڵا و تێچووی بەڕێوەبەرانی ئابووری کەم بکاتەوە.
هەر لەو پێوەندییەدا، بەڕێوەبەری گشتیی کاروباری ئابووری و دارایی پارێزگای کرماشان هەروەها جێگیربوونی فەرمی سنووری پەرویزخانی لە پلانی نیشتمانی بۆ بەڕێوەبردنی سنوورە هاوئاهەنگ و زیرەکەکان ڕاگەیاند و وتی: ئەم بەرنامەیە بە ئامانجی دەستنیشانکردنی تەنگەکانی جێبەجێکردن و کەمکردنەوەی کاری هاوتەریب و خێراکردنی پڕۆسەی بازرگانی لە یەکێک لە گرنگترین دەروازە بازرگانییەکانی نێوان ئێران و عێراق جێبەجێ دەکرێت.
بە پێی ئەم ڕاپۆرتە، سنووری پەروێزخان بە هۆی پێگەی ستراتیجی لە ئاڵوگۆڕە ئابوورییەکان لەگەڵ عێراق، وەک یەکێکە لە ١٠ سنوورە هەڵبژێردراوەکانی وڵات بۆ جێبەجێکردنی ئەم پلانە نیشتمانییە.